“Xəzər-Lənkəran” klubu Azərbaycan Premyer Liqasının ikinci dövrəsinə hazırlaşmaq məqsədilə 2009-cu il yanvarın 4-də Türkiyəyə yollanacaq. Apasport.az saytının məlumatına görə, İqor Ponomaryovun rəhbərlik etdiyi kollektiv Side şəhərində 24 gün təlim-məşq toplanışı keçəcək.

Lənkəran klubunun rəsmi İnternet saytının yaydığı xəbərdə bildirilir ki, hazırlıq prosesinin ilk günlərində fiziki, daha sonra isə taktiki çalışmalara üstünlük veriləcək. Təlim-məşq toplanışı çərçivəsində “Xəzər-Lənkəran” 3 yolxlama matçında qüvvəsini sınayacaq . Rəqiblərin adları və oyunların dəqiq tarixləri hələlik müəyyənləşməyib.

Komandanın məşqçiləri Sidedə, həmçinin baxışa çağırılacaq futbolçuları sınaqdan çıxaracaqlar. Ponomaryov xüsusilə, müdafiəçi seçiminə diqqət yönəldəcək. “Xəzər-Lənkəran” Vətənə yanvarın 28-də dönəcək.

• “Qalatasaray”dan 30 milyon avroluq transfer - RƏSMİ
• “Braqa”dan “Qarabağ”a Çempionlar Liqası təbriki - VİDEO
• "Bayer" "Qarabağ" travmasını unutmayıb: Adminləri qorxur - FOTO
• "Tottenhem" niderlandlı futbolçu üçün hərəkətə keçib
• "Milan" Nkunku ilə razılaşıb