Türkiyənin “Qalatasaray” klubu ispaniyalı hücumçu Fernando Moryentesin transferini yayadək təxirə salıb. Apasport.az saytının məlumatına görə, cari mövsüm Harri Kyuell və Milan Baroş kimi oyunçularla güclənən İstanbul təmsilçisi 32 yaşlı futbolçunun komandaya bu ay keçməsini gerçəkləşdirə bilməyib. “Qalatasaray” İspaniyanın “Valensiya” komandasında heyətə düşə bilməyərək ehtiyat oyunçular skamyasında gün keçirən Moryentesi yarım illik icarəyə götürmək niyyətində idi. Lakin pireneylilərlə pul məsələsində ortaq məxrəcə gəlməyən istanbullular bu istəklərini müvəqqəti dondurmalı olub. Futbolçunun meneceri ilə əlaqə saxlayan “Qalatasaray” transferi iyulda gerçəkləşdirməklə bağlı Fernandonun müsbət cavabını alıb. Yayda “Valensiya”ya para ödəmədən futbolçuya sahib çıxacaq türkiyəlilərin Moryenteslə ili 2 milyon dollarlıq müqavilə bağlamaq fikrindədir.

• Əl-Xelaifi FIFA prezidentliyinə namizəd olacaq? – İnfantinoya rəqib axtarılır
• "Bolonya" və "Roma"dan hücumçu barteri – Dovbik getdi, Kastro gəldi
• "Yuventus"dan 33 milyonluq transfer – "Çelsi"ni qabaqladı
• Vinçentso İtalyano “Beşiktaş”ı təriflədi – “Belə atmosfer görməmişdim”
• “Qarabağ”, “Neftçi”, "Zirə" və "Beşiktaş"ın oyunları bu kanallarda - AFİŞA