Bu gün Azərbaycan milli komandalarının 2012-ci ildə ən yaxşı futbolçularının mükafatlandırılma mərasimi keçirilib. Apasport.az saytının məlumatına görə, “Hilton Baku” otelinin “Sevda” zalında baş tutan tədbirdə 5 nominasiyanın qalibləri müəyyənləşib.

Son 2 illə müqayisədə, bu dəfə millidə ən çox oyun keçirən futbolçu mükafata layiq görülməyib. Yığmada 9 matç keçirən Ruslan Abışovla Rauf Əliyev bu mükafata layiq olsa da, bu nominasiya ləğv olunduğundan sonuncu mükafatsız qalıb.

Ruslan isə ilk dəfə “İlin futbolçusu” seçilərək, həmin mükafatı yığmanın baş məşqçisi Berti Foqts tərəfindən alıb.

Qızlardan ibarət U-17 yığmasının qapıçısı Aytac Şərifova və çimərlik futbolunda ən yaxşı olan Zeynal Zeynalov da Ruslan kimi ilk dəfə qalib olublar. Kamran Ağayev qapıçılar, Vitali Borisov isə futzalçılar arasında hegemonluğunu davam etdirərək, 3-cü dəfə ən yaxşı olub.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA