“Şalke” Çempionlar Liqasının 1/8 final mərhələsində “Qalatasaray”la 1:1 hesablı bərabərliyə qaldığı səfər matçı ilə bağlı UEFA-ya şikayət edəcək. Apasport.az saytının məlumatına görə, almaniyalılar rəqibin qış fasiləsində heyətinə cəlb etdiyi Didye Droqba ilə bağlı iddia qaldırıb.

Belə ki, “Şalke” Fil Dişi Sahilindən olan hücumçunun turnirdə iştirakına icazə verilməsi ilə bağlı razılığın bütün hüquqi normalara uyğun olmağına şübhə edir. Bu da Didyenin yanvarda Çinin “Şanxay Çenxua” klubundan qalmaqalla ayrılmağı ilə bağlıdır. Nəticədə çinlilər afrikalı futbolçunun onlarla müqaviləsi olduğuna görə “Qalatasaray”a qanunsuz keçidi ilə bağlı FİFA-ya və UEFA-ya şikayət etmişdi.

FİFA türkiyəlilərə yeni transferini oynatmağa rəsmən icazə versə də, Almaniya təmsilçisi Droqbaya görə texniki qələbə əldə etməyə çalışır.

• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya