Topaz Premyer Liqasının XXI turu çərçivəsində ötən gün “Bakı” ilə doğma arenada qolsuz heç-heçə edən “Simurq” hazırlıqlara ara vermədən start verib. Apasport.az-ın klubun saytına istinadən məlumatına görə, fevralın 27-də Azərbaycan Kubokunun 1/4 final mərhələsində “Neftçi”ni qonaq edəcək Zaqatala təmsilçisi bu gün bir məşqə çıxıb.

Paytaxt təmsilçisi ilə görüşdə zədə səbəbindən forma geyinə bilməyən kapitan Rasim Ramaldanov, artıq komanda ilə birlikdə çalışmalara başlayıb. Stepan Polyak isə zədəsini tam sağalda bilmədiyindən bugündə istirahət edib.

Səhər saatlarında baş tutan hazırlığda futbolçular iki qrupa bölünüb. Start heyətdə meydana çıxan oyunçular uzun məsafəli qaçışdan sonra isinmə hərəkətləri ilə məşqi tamamlayıb. Digərləri isə onlardan fərqli olaraq iki qrupa bölünərək “kvadrat” oynayıb. Sonda isə ikitərəfli oyunla məşqi tamamlayaraq istirahətə çəkiliblər.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi