Afrika Millətlər Kubokunun finalçısı Burkina-Faso yığmasının futbolçusu İsuf Uattaranın Azərbaycana transferi yenidən gündəmə gəlib. Apasport.az saytının məlumatına görə, klublarımıza hələ bu ayın əvvəlində təklif olunan 25 yaşlı hücumçu çıxış etdiyi Bolqarıstan “Çernomorets”inə qayıtmaq istəmir.

Buna səbəb onu gözləyən cərimədir. Yığmanın düşərgəsində həddən artıq yubanan Uattara Bolqarıstana qayıtsa klubu onu cəzalandıracaq. Bu üzdən də hücumçu Azərbaycan və Rusiyadan olan təklifləri götür-qoy etməkdə maraqlıdır. Ölkəmizdə “transfer pəncərəsi” bitdiyi üçün yay qədər gözləməsi inandırıcı görünməyən futbolçu böyük ehtimalla şimala üz tutacaq.

Qeyd edək ki, 2012-ci ilin yayından “Çernomorets”də çıxış edən Uattara Fransanın “Nim” klubundan transfer olunmuşdu.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi