Azərbaycan millisinin futbolçusu Ufuk Budakın komandası “Əskişəhərspor”un heyətində növbəti itki baş verib. Apasport.az saytının məlumatına görə, Türkiyə Superliqasının 24-cü turunda evində “Qalatasaray”la (0:0) qarşılaşmada “Əskişəhərspor”un digər azərbaycanəsilli futbolçusu Sərvət Çətin yenidən zədələnərək sıradan çıxıb.

Bir müddətdir zədə üzündən komandasına kömək edə bilməyən təcrübəli müdafiəçi “Cim-Bom”a qarşı matçın ilk “11-liy”ində meydana çıxmışdır. Lakin Sərvət oyunun 34-cü dəqiqəsində zədələnərək meydanı tərk edib.

Qeyd edək ki, Çətinin zədəsinin ciddi olub-olmadığı tibbi müayinədən keçdikdən sonra müəyyənləşəcək.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu