Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının reytinq cədvəlini açıqlayıb. Apasport.az saytının məlumatına görə, planetin 452 ən güclü komandası arasında 2 təmsilçimiz də var.

Neçə vaxtdır cədvəldə qərarlaşan “Neftçi” növbəti dəfə irəliləyib.

Hesabında 92,5 xal olan “ağ-qaralar” 180-ci yerə yüksəliblər. 9 pillə irəliləyən təmsilçimiz “Botafoqo” (Braziliya), “Spartak” (Moskva, Rusiya), “Parma” (İtaliya), “Betis” (İspaniya), “Hapoel” (Kiryat-Şmona, İsrail), “Braqa” (Portuqaliya), “Katanya” (İtaliya) kimi məhşur klubları arxada qoyub. 60 xalı olan “İnter” isə 426-cı pillədədir.

Siyahının ilk pillələrində də ciddi dəyişikliklər baş verib. Uzun müddətdir zirvədə qərarlaşan İspaniya “Barselona”sı son aydakı məğlubiyyətlər nəticəsində 5-ci yerə enib – 283 xal.

İndi cədvələ İngiltərə “Çelsi”si başçılıq edir – 307 xal. İspaniya “Atletiko”su 304 xalla 2-ci, Almaniya “Bavariya”sı 292 xalla 3-cü pillədədir.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu