“Qəbələ”nin baş məşqçisi Ramiz Məmmədov Topaz Premyer Liqasının final mərhələsində start verdikləri “İnter”lə bugünkü matçda məğlubiyyətin səbəblərini açıqlayıb. Apasport.az saytının məlumatına görə, Məmmədov 1:2 hesabı ilə uduzduqları oyunda qol şanslarının reallaşdırmaqlarından və bəzi futbolçuların oyunundan narazı qalıb.

Onun sözlərinə görə, bu, məğlubiyyətin əsas səbəblərindədir və mövsüm bitəndən sonra heyətlə bağlı islahatlar etməli olacaqlar: “Çempionatın sonunda bəzi futbolçuları göndərəcəyik. Narazı qaldığımız futbolçularla yollarımızı ayıracağıq. Hər oyunda 5-6 qol epizodu yaratsaq da, bundan istifadə edə bilmərik. O üzdən istədiyimiz nəticə əldə edə bilmərik. “Altılıq” indi başlayıb və qarşıda 9 oyunumuz var. Fikrimcə, avrokuboklara çıxmaq şansımız bitməyib”.

Qeyd edək ki, ölkə kubokundan kənarda qalan “Qəbələ” çempionatda 32 xalla 5-ci yerdə gedir.

• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi