Yanvar ayında polis tərəfindən Mançester yaxınlığında avtomobili ilə saxlanılan Argentina milli komandasının futbolçusu Karlos Tevesin sürücülük vəsiqəsi əlindən alınıb. Apasport.az saytının məlumatına görə, “Mançester Siti”nin hücumçusu ötən həftə sürücülük vəsiqəsi olmadan yenidən sükan arxasına keçib və polis tərəfindən saxlanılıb.

Lakin cəriməsini ödədikdən sonra Teves azad edilib. Buna baxmayaraq Karlos aprelin 3-də hakim qarşısına çıxacaq.

Qeyd edək ki, 29 yaşlı oyunçunun günahı təsdiq edilərsə, o, 6 ay azadlıqdan məhrum edilə bilər. Həmçinin məhkəmə ictimai işlərlə əlaqədar olaraq Tevesi 5 min avro məbləğində cərimələyəcək.

• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi