“Bakı” ilə oyunda dizindən zədələnən Cavid İmamverdiyevin məşqə qatılacağı tarixə aydınlıq gəlib. Apasport.az saytının məlumatına görə, qarşılaşmadan dərhal sonra MRT müayinəsindən keçən Cavidin zədəsinin o qədər də ciddi olmadığı və komandanın məşqlərə start verdikdən 4-5 gün sonra meydana çıxacağı məlum olub.

Bu isə o deməkdir ki, 21 yaşadək futbolçulardan ibarət yığmamızın üzvü olan İmamverdiyev Novruz bayramından sonra məşqlərə qatıla bilər. Belə ki, hazırda “Neftçi”də 4 günlük istirahətin olduğunu və komandanın martın 18-dən hazırlıqlara başladığını nəzərə alsaq, Cavid ayın 22-si və ya 23-ü artıq hazırlıqlarda yerini ala bilər.

Qeyd edək ki, Cavid İmamverdiyev “Bakı” – “Neftçi” oyununda meydanda cəmi 19 dəqiqə olmuşdu. Son dəqiqələrdə zədələnən gənc futbolçu yerini Eşqin Quliyevə verməli olmuşdu.

• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO