Mövsümün sonunda “Barselona”dan ayrılacağı ilə gündəmə gələn Viktor Valdesi heyətində görmək istəyən komandaların sayı günü-gündən artır. Apasport.az saytının məlumatına görə, daha öncə “Arsenal”ın transfer siyahısında olan təcrübəli qolkiperə növbəti rəqib Rusiya Premyer Liqasından çıxıb.

İngiltərənin “Mirror” nəşrinin iddiasına görə, Mahaçqala “Anji”si Kataloniya təmsilçisinin 31 yaşlı qapıçısına həftəyə 160 min funt-sterlinq maaş ödəyərək heyətinə qatmaq niyyətindədir. “Barselona”ya isə transfer haqqı olaraq 12 milyon funt-sterlinq verməyi planlaşdırır.

Qeyd edək ki, 2002-ci ildə “Barsa”nın formasını geyinən Valdes bu mövsüm 26 matçda meydana çıxıb.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”