“Araz Abdullayevin başına gələn olayı heç kimə arzulamıram. Belə hadisənin baş verməsini heç kim istəməz”. Bu sözləri apasport.az saytına “Neftçi” klubunun prezidenti Sadıq Sadıqov deyib.

“Ağ-qaralar”ın şərəfini qoruyan Araz Abdullayev dünən komandanın bazasına məşqə gələrkən Nobel prospektində Xətai rayon MKİS-in 2 işçisini idarə etdiyi maşınla vurub. Süpürgəçi işləyən 2 xanımdan biri dünyasını dəyişsə də, digəri xəstəxanada yatır.

Sadıq Sadıqovun sözlərinə görə, hazırda Araz Abdullayev sərbəst buraxılıb: “Araz polis bölməsində dindirildikdən sonra sərbəst buraxılıb. Heç yana qaçası deyil. Mənim zaminliyimlə sərbəst buraxılıb. Hazırda istintaq gedir. İstintaqın gedişi sirr saxlanılır. Bu üzdən prosesin necə getdiyindən xəbərsizəm”.

Səbuhi TOFİQOĞLU

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”