Ukraynanın Donetsk şəhərində təlim-məşq toplanışını davam etdirən “Qəbələ”nin 14 yaşa qədər futbolçulardan ibarət komandası sözügedən ölkədə ilk yoxlama oyununu keçirib. Apasport.az-ın klubun saytına istinadən məlumatına görə, yerli "Şaxtyor-2" kollektivi ilə üz-üzə gələn təmsilçimiz rəqibinə heç bir şans verməyib.

Oyunu yüksək səviyyədə keçirən “qırmızı-qaralar” ukraynalıların qapısından 3 cavabsız top keçiriblər. Komandaya qələbə gətirən qollara İlkin Abdullayev, Osman Soltanov və Murad Qayalı imza atıb.

Qeyd edək ki, təmsilçimiz Ukraynada növbəti oyununu martın 31-i keçirəcək. 2-ci sınaq matçında “Qəbələ” “Şaxtyor”la qarşılaşacaq.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”