Libertadores kubokunun “Atletiko Mineyro” (Braziliya) – “Boka Xuniors” (Argentina) qarşılaşması qalmaqalla başa çatıb.

Apasport.az saytının məlumatına görə, final fitindən sonra argentinalılar öncə hakimlə mübahisəyə girib, ardınca mühafizəçilər və braziliyalıların nümayəndələri onlara qoşulub.

Mübahisə dava-dalaşa çevrilib. Aranı sakitləşdirmək üçün hərbi polisə ehtiyac yaranıb. Onlar da yalnız gözyaşardıcı qazla tərəfləri ayıra bilib.

“Atletiko Mineyro”nun prezidenti də rəqibə su qabları atıb. “Boka Xuniors”un 8 üzvü polis bölməsinə aparılıb. Digər oyunçular isə komanda yoldaşları olmadan Braziliyanı tərk etməkdən imtina edib.

Qeyd edək ki, Braziliya klubu penaltilərlə mərhələ adlayıb.
 

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb