Ötən mövsümün bürünc medalçısı "Sumqayıt"ın yeni mövsüm işləri heç də yaxşı getmir.

Apasport.az “sportinfo”ya istinadən məlumat verir ki, komanda ardıcıl üç oyundur məğlubiyyət yaşayır. Turnir cədvəlində isə "kimyaçılar"ı sonuncu pillədən cəmi 2 xal ayırır. Yaranmış durum yerli azarkeşləri də narahat etməyə başlayıb.

XII tur çərçivəsində "Zirə" ilə qarşılaşmadan sonra yaşananlar bunu əyani sübut edir.

Matçdan sonra komandanın stajlı azarkeşlərindən biri Rəhim Sadıxovun önünü kəsərək, "Niyə oynamırsınız? Belə nə vaxta qədər davam edəcək?" deyərək, yaşanan uğursuzluqlara görə kəskin etiraz edib.

Bu zaman futbolçunun xanımı da yanında olub.

Millinizin də formasını geyinən yarımmüdafiəçi qarşılaşdığı mənzərədən şoka düşərək "mən nə edə bilərəm axı?" cavabı ilə kifayətlənib.

Qarşılıqlı söz atışmasının sonunda tərəflər xoşluqla ayrılıb. Sonda yaşlı azarkeş futbolçuya qarşıdakı matçlarda uğurlar arzulayıb.
 

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb