UEFA Konfrans Liqasının tvitter səhifəsi vasitəsilə növbəti maraqlı paylaşım edib.

Apasport.az saytının məlumatına görə, qitə futbol qurumu qrup mərhələsinin son turunun ən yaxşı 4 qapıçı seyvini fərqləndirib.

Yüz faizlik qola mane olan qolkiperlər arasında “Qarabağ”ın 1 nömrəsi Şahruddin Məhəmmədəliyev də var. Onun “Bazel”lə səfər matçında rəqibin hücumçusu Artur Kabralın zərbəsinə möhtəşəm reaksiyası ən gözəl 4 seyvindən biri olub.

“Dörd möhtəşəm seyv. Hansını bəyəndiniz?”, - postu ilə verilən sorğuda Kamil Qrabara (“Kopenhagen”), Marko Zalokar (“Mura”) və Frederik Rönnounun (“Union Berlin”) qurtarışları göstərilib.

Qeyd edək ki, “Bazel”ə 0:3 hesabı ilə məğlub olan “Qarabağ” 11 xalla H qrupunda ikinci yeri tutub və pley-offa vəsiqə qazanıb.
 

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb