Azərbaycan Şahmat Federasiyası (AŞF) şahmat üzrə məşqçi-müəllimlərin inkişafı üçün tədbirlərini davam etdirir.

Apasport.az xəbər verir ki, AŞF-nin Məşqçilər Komissiyasının təşkilatçılığı ilə məşqçi-müəllimlər üçün onlayn seminarlar təşkil olunacaq. Seminarlar həftədə 2 dəfə olmaqla 3 səviyyə üzrə 7 fərqli qrupda keçiriləcək. Seminarlara 40-dan artıq rayon və şəhərdən 342 məşqçi-müəllim qeydiyyatdan keçib.

Onlayn seminarlar 7 oktyabr 2024-cü il tarixdən etibarən start götürəcək. Dərslərin 3 ay müddətində davam etdirilməsi planlaşdırılır.

Qeyd edək ki, AŞF-nin Məşqçilər Komissiyası məşqçilərin qruplar üzrə bölgüsünü iyun ayında təşkil olunan 2 onlayn sınaq imtahanlarının baza nəticələrini nəzərə almaqla təşkil edib.

• Azərbaycan çempionu “UzChess Cup”da birinci yeri rəsmiləşdirdi
• Azərbaycanın 8 şahmatçısı İtaliyada yeniyetmələr arasında dünya çempionatında mübarizə aparacaq
• Beşinci Landau Şahmat Festivalı keçiriləcək
• FIDE Rusiya Şahmat Federasiyasının üzvlüyünü müvəqqəti dayandırıb
• 8 şahmatçımız Batumidə keçiriləcək Dünya Kubokunda iştirak edəcək