Natalya Məmmədova: Rəqibə müdafiə və hücumda gücümüzü göstərdik

14.10.2011 - 20:59

“Biz belə bir möhtəşəm yarışın çempionu olduğumuz üçün çox xoşbəxtik”. Apasport.az saytının məlumatına görə, bunu Qətərdə keçirilən klublararası dünya çempionatının qızıl medalını qazanan “Rabitə” voleybol komandasını kapitanı Natalya Məmmədova deyib.

O bildirib ki, finalda layiq olduqları qələbəni qazanıblar: “Vakıfbank Günəş TTelekom”la oyun üçün çox yaxşı hazırlaşmışdıq. Taktiki olaraq, əla oynadıq. Rəqibə müdafiə və hücumda gücümüzü göstərdik. Düzdür, 4 görüş dalbadal keçirmək bir qədər çətin idi. Lakin arzuladığımız dünya çempionluğunu qazandıq. Buna görə inanırıq ki, təşkilatçılar növbəti mündialda bizi turnirə dəvət edəcəklər”.

Qeyd edək ki, Azərbaycan çempionu həlledici matçda 3:0 hesablı qələbə qazanıb.