Çempionlar Liqasının qrup mərhələsində Bakının “Rabitə” voleybol klubunun rəqibi “Fənərbaxça” heyətini açıqlayıb. Apasport.az saytının məlumatına görə, İstanbul komandası qitənin ən möhtəşəm yarışı üçün iştirak ərizəsinə 16 voleybolçunun adını daxil edib.

Braziliyalı baş məşqçi Ze Roberto yeni mövsümdə 4 legionerə şans verəcək. Digər voleybolçuların hamısı isə türkdür. “Fənərbaxça” Azərbaycan çempionu ilə görüşlərdə Fabiana Klaudino (Braziliya), Yağmur Koçyığıt, Naz Aydəmir, Seda Eryüz, Eda Erdem, Duyğu Bal, Ecəm Türker, Didem Ege, İpək Saroğlu, Seda Tokatlıoğlu, Ezgi Dılıq, Nihan Güneyligin, Merve Dalbeler (hamısı Türkiyə), Lyubov Sokolova (Rusiya), Kim Yeon Koung (Cənubi Koreya) və Loqan Tomdan (ABŞ) ibarət heyətə güvənəcək.

Qeyd edək ki, “Rabitə” “Fənərbaxça” ilə dekabrın 15-də səfərdə, 5 gün sonra Bakıda qarşılaşacaq.

• "Gəncə"də yeni müqavilə
• Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb
• “Gəncə”dən yeni transfer
• Azərbaycanın qadınlardan ibarət voleybol millisi Macarıstana təlim-məşq toplanışına yollanıb
• Şahin Bağırov Naxçıvanda yeniyetmə voleybolçularla görüşüb