4-cü cəhd - STATİSTİKA

29.11.2011 - 00:01

Bu gün qadın voleybolçular arasında CEV kubokuna start veriləcək. Apasport.az saytının məlumatına görə, ölkəmizi bu yarışda “İqtisadçı” təmsil edəcək.

Analoji yarışda debüt edəcək “universitet komandası” Azərbaycanın turnirdə 4-cü iştirakçısı olacaq. “İqtisadçı”ya kimi CEV kubokunda Bakı Məişət Kondisionerləri Zavodu (BMKZ), “Rabitə” və “Azərreyl” iştirak ediblər. Onlardan BMKZ 1/4 final mərhələsinə kimi irəliləmişdisə, “Rabitə” turnirdə gümüş mükafata layiq görülüb.

Klub	O	Q	M	S
BMKZ	10	7	3	23-15
Rabitə	10	5	5	21-18
Azərreyl	6	2	4	12-14
CƏMİ	36	14	12	56-47

Qeyd edək ki, təmsilçilərimizin rəqibi Rumıniyanın “Dinamo-Romprest” komandası olacaq. Bu klub azərbaycanlı azarkeşlər üçün tanışdır. Ötən mövsüm Çempionlar Liqasında oynayan və qrup mərhələsinin hər 2 matçında “Rabitə”yə uduzan buxarestlilər CEV kuboku üçün kifayət qədər güclü kollektiv hesab olunurlar.

Lakin “İqtisadçı”nın Bakıda keçiriləcək oyunda uduzması da inandırıcı deyil. 1 il öncə “Çelenc Cup”da yarımfinala kimi irəliləyən həmyerlilərimiz paytaxtda (Bakı “Lokomotiv”i istisna olmaqla) məğlubiyyət acısı yaşamamışdı. Bunun üçün də ilk matçın gərgin keçəcəyini proqnozlaşdırmaq olar.

1/16 final mərhələsi

18:00. “İqtisadçı” – “Dinamo-Romprest”
Hakimlər: İlhami Senyurt (Türkiyə), Pavel Enderson (Rusiya).