Bursada yerli bələdiyyənin təşkilatçılığı ilə keçirilən qadın voleybolçular arasında Cengiz Göllü turnirində çıxış edən “Azərreyl” ilk oyununda məğlubiyyətlə üzləşib. Apasport.az saytının məlumatına görə, yerli “Bursa Böyükşəhər Bələdiyyəspor”la qarşılaşan Azərbaycan çempionu 0:3 hesablı məğlubiyyətə üzülüb.
Voleybolçularımız 25:14, 25:16 və 25:19 hesabı ilə hər üç seti üzgün başa vurub.
Digər oyunda isə turnirin son qalibi Rusiya təmsilçisi “Proton Saratov” Bolqarıstan klubu “Maritza”ya şans verməyib – 3:0 (26:24, 25:13, 25:16).
Qeyd edək ki, turnirin ikinci günündə “Azərreyl” “Proton Saratov”la qarşılaşacaq. Ruslarla oyun bu gün Bakı vaxtı ilə 16:30-da başlayacaq.