"Qalatasaray"ın "Saracoğlu" fəthi - "Fənər" yenə bacarmadı - YENİLƏNİB
02.04.2025 - 23:57
"Qalatasaray"ın "Saracoğlu" fəthi - "Fənər" yenə bacarmadı - YENİLƏNİB

Türkiyə kubokunun 1/4 final mərhələsinin oyunları davam edir.

Apasport.az xəbər verir ki, kubokun bu mərhələsində "Fənərbaxça" və "Qalatasaray" yarımfinala yüksəlmək üçün meydançaya çıxıb.

Görüşə yaxşı başlayan "sarı-qırmızılılar" 10-cu dəqiqədə Viktor Osimhenin vurduğu qolla önə keçiblər. Bundan sonra hücumlarının sayını artıran qonaqlar 27-ci dəqiqədə fərqi 2-yə yüksəltməyi bacarıblar.

İlk hissəyə artırılan dəqiqələrdə "Fənər" fərqi minimuma endirməyi bacarıb, lakin bu yetərli olmayıb. Görüş "cimbom"un 2:1 hesablı qələbəsi ilə başa çatıb. 

Bu nəticə ilə "Qalatasaray" Türkiyə kubokunda adını yarımfinal mərhələsinə yazdırmağı bacarıb.

Türkiyə kuboku
1/4 final
18:45. "Trabzonspor" - "Bodrum" 3:2
21:45. "Fənərbaxça" - "Qalatasaray" 1:2
Qollar: S. Şimanski, 45+1, V. Osimhen, 10, 27

"Fənərbaxça": İrfan Can Eğriyabat, Yusuf Akçiçek, Milan Şkriniar, Çağlar Söyüncü, Filip Kostiç, Oğuz Aydın, Sebastian Şimanski, Fred, Sofyan Amrabat, Yusif En-Nesri, Anderson Talişka

Baş məşqçi: Joze Mourinyo

"Qalatasaray": Günay Güvenç, Kaan Ayhan, Abdülkerim Bardakçı, Davinson Sançez, Yunus Akgün, Eren Elmalı, Qabriel Sara, Lukas Toreyra, Mario Lemina, Barış Alper Yılmaz, Viktor Osimhen

Baş məşqçi: Okan Buruk