Azərbaycan millisinin və “Araz-Naxçıvan”ın futzalçıları Xətai Bağırovla İsa Atayev karyerasını ölkə xaricində davam etdirəcək. 

Futzal Federasiyasından apasport.az saytına verilən məlumata görə, hər iki həmyerlimiz əvvəlcə ölkə çempionu ilə yola davam etmək qərarı versələr də, Belçikadan gələn təklif fikirlərini dəyişib. 

Nəticədə onlar Belçika çempionatında çıxış edən “Futsal Beşiktaş Gent”lə anlaşıb. Müqavilə 1+1 müddətə imzalanıb.

Qeyd edək ki, “Futsal Beşiktaş Gent” klubu 2015-ci ildə Belçikada yaşayan türkiyəli iş adamları tərəfindən yaradılıb və idarə olunur. Komanda Belçikanın Birinci Liqasında iştirak edir. Birinci Liqada ümumilikdə 28 komanda yarışır. Onlar hər birində 14 komanda olmaqla  2 qrupa bölünürlər. Ancaq qrup qalibləri Yüksək Liqaya vəsiqə qazanır. “Futsal Beşiktaş Gent” son 3 mövsümü öz qrupunda ikinci pillədə başa vurub.

Ölkəmizi UEFA Çempionlar Liqasında təmsil edəcək “Araz-Naxçıvan” buna qədər Rövşən Hüseynli, Xəzər Ağalızadə, Cavad Məmmədov, eləcə də braziliyalı Mateus Katatau, Varqas Amenqual Andreu, Vitao və Viktor Uqo Piresa ilə müqavilə imzalayıb. Əvəzində karyerasını başa vuran Rizvan Fərzəliyev, eləcə də müqaviləsi başa çatan Murilo Borges, Dmitri Bondarev və Maneka komandadan ayrılıb.

• “Qarabağ”dan inamlı qələbə - YENİLƏNİB
• “Mançester Siti”dən unikal göstərici: Evdə 100-cü qol
• “Böyük beşlik” KUPONU
• Qurban Qurbanov: “Heyət hazırdır” - MÜSAHİBƏ
• “Qusar” inamlı qələbə qazandı