“Qarabağ” ötən mövsüm olduğu kimi bu il də Çempionlar Liqasında mübarizəyə II təsnifat mərhələsindən başlaya bilər.

Apasport.az xəbər verir ki, bu, "Arsenal"ın məğlub olacağı təqdirdə, reallaşacaq.

Belə ki, ÇL-nı qazanmış komanda vəsiqəni öz çempionatından əldə etmiş olsa, sıralamada ən yüksək reytinqi olan ölkənin çempionu pley-offdan qrupa düşür. Bu komanda "Olimpiakos"dur. 

Digər finalçı “İnter”in İtaliya çempionatından ÇL-i təmin etdiyini nəzərə alsaq, mümkün PSJ - “İnter” dueli “Qarabağ” üçün ən yaxşı variantdır.

Belədə I təsnifatda olan iki ən yüksək reytinqli klub II mərhələyə yüksələcək. Həmin komandalar Bratislava "Slovan"ı və "Qarabağ"dır.

Həmçinin "Topçular" növbəti mövsüm ÇL-də oynamaq hüququnu Premyer Liqadan əldə edərsə, yenə də ağdamlıların yolu açılacaq.

Qeyd edək ki, "Arsenal" bu gün Çempionlar Liqasının yarımfinal mərhələsinin cavab oyunları çərçivəsində səfərdə PSJ ilə üz-üzə gələcək.

• Emin Mahmudov: “Ayxan Abbasovun millidə qalmasını istəyərəm”
• İlin ən yaxşı baş məşqçisi adına namizədlər bəlli olub
• "Qaradağ Lökbatan"nın legioneri: "Azərbaycan futbolundan bu məsələnin araşdırılmasını tələb edirəm"
• DÇ-2026: Türkiyə Bolqarıstanı meydana çıxmağa peşman etdi - YENİLƏNİB
• "Real"ın futbolçusu La Liqada komandasını dəyişə bilər