Daha əvvəl xəbər verdiyimiz kimi, “Fənərbaxça” Türkiyə Kubokunun 1/4 final mərhələsində “Qalatasaray”a 1:2 hesabı ilə məğlub olub.
Apasport.az xəbər verir ki, matçın final fitindən sonra “sarı-lacivərdlilər”in baş məşqçisi Joze Mourinyo ilə Okan Buruk arasında insident yaşanıb.
Baş verən hadisədən sonra “Fənərbaxça” bəyanat yayıb.
"Baş məşqçimiz Joze Mourinyonun dünənki oyundan sonra hakimlərlə söhbət etdiyi anda hakimlərin əlini sıxmaq bəhanəsi ilə onun yanına gələn, əl-qol hərəkətləri və sözləri ilə baş məşqçimizi təxribata çəkən, polis xəttini keçdikdən sonra isə hörmətsiz jestlər etməyə cəsarət göstərən Okan Buruk barədə açıqlama verməyi özümüzə borc bilirik.Baş məşqçimizin bu təxribatlar qarşısında ani şəkildə burnuna toxunmasının ardından həmin şəxs özünü bir anda yerə atmışdır. Öncədən düşünülmüş təxribatlarından sonra bu planın davamı olaraq özünü demək olar ki, “güllə dəymiş” kimi peşəkar şəkildə yerə atan bu şəxsin hörmətsiz söz və hərəkətləri görüntülərlə sübut olunmuşdur. Burnuna toxunulan bir insanın yerə atılıb saniyələrlə qıvrılmasının mənasızlığı və nümayiş etdirilən aktyorluq hər kəsə məlumdur. Bu şəxsin futbolçu olduğu dövrlərdə də özünü yerə atdığı görüntülərin mövcud olması və bunun məşqçilik karyerasında da davam etməsi onun üçün xarakterik bir davranış olduğunu açıq şəkildə göstərir. Baş verən çirkin təxribatların və sonrakı hadisələrin yalnız birtərəfli deyil, səbəb-nəticə əlaqəsi çərçivəsində qiymətləndirilməli olduğu aydındır".
Oxşar xəbərlər
Ana səhifə
Bütün xəbərlər