Monteneqronun Budva şəhərində gənc boksçular arasında Dünya kuboku statuslu “Adriatik incisi” beynəlxalq turnirində 1/4 final mərhələsinə yekun vurulub.

Apasport.az xəbər verir ki, görüşlərin nəticəsinə əsasən Azərbaycan millisinin daha bir idmançısı adını yarımfinala yazdırıb.

Zidan Hümbətov (54 kq) ikinci döyüşündə İlgiz Korqonbayevə (Qırğızıstan) qalib gəlib. O, rəqibini ikinci raundda tam üstünlüklə məğlub edib. Hümbətov yarımfinalda Ali Muratla (Qazaxıstan) üz-üzə gələcək. Görüş martın 8-də olacaq.

Boksçumuz yarımfinala yüksəlməklə özü üçün azı bürünc medalı təmin edib.

Qeyd edək ki, “Adriatik incisi”ndə daha 3 boksçumuz yarımfinalda mübarizə aparacaq. Banuçiçək Nəsirli (48 kq) Natalya Nieviadomska (Polşa) ilə, Özləm Həsənova (66 kq) Akbota Yessimbekova (Qazaxıstan) ilə, İlkanə Əhmədova (+81 kq) Sabina Jaksiliklə (Qazaxıstan) döyüşəcək.

• "Mançester Yunayted"in ulduzu "Yuventus"un hədəfində
• Müller karyerasını ABŞ-də davam etdirə bilər
• Tyaqo Bezerra: "Abasov gəldikdən sonra komandanı xilas etdi" - Müsahibə
• 3x3 basketbol üzrə "Qadınlar Liqası"nın qalibi bəlli olub
• Sane Səudiyyə Ərəbistanı klubunu rədd edib - "Bavariya"da qalmaq istəyir