"Barselona" uzun müddətlik sıradan çıxan hücumçusu Luis Suaresin boşluğunu doldurmaq üçün hərəkətə gəlib.

Apasport.az saytının xarici mətbuata istinadən məlumatına görə, Kataloniya klubu "Leypsiq"in qolçusu Timo Vernerə "elçi düşüb".

Almaniya yığmasının üzvü ilə bağlı klublar arasında danışıqlara start verilib. İspanlar cari mövsüm Bundesliqada keçirdiyi 18 oyunda 20 qol, 6 məhsuldar ötürmə ilə yadda qalan 23 yaşlı oyunçunu bu ay heyətinə qatmaq niyyətindədir. "Leypsiq"lə müqavilə müddəti 2023-cü ilə qədər olan futbolçunun sərbəst qalma məbləği 60 milyon avrodur.

Qeyd edək ki, yanvarın 12-də əməliyyat olunan Luis Suares 4 ay komandasına kömək edə bilməyəcək.
 

• Arda Turanın komandası sabiq “Fənərbaxça”lını transfer etdi
• “Real”ın ulduzu İstanbul yolunda? – “Fənərbaxça” hərəkətə keçdi
• Dünya çempionu "Yuventus"a doğru: Martinezdə son mərhələ
• “Beşiktaş”da oynadı, “Fənərbaxça”ya keçir? – Danışıqlar başladı
• Çalhanoğlundan DÇ mesajı – “Hədəfim kuboku qaldırmaqdır”