“Xəzər-Lənkəran” klubunun rəhbərliyi AFFA prezidenti Rövnəq Abdullayevə müraciət ünvanlayacaq. Apasport.az saytının məlumatına görə, Azərbaycan Premyer Liqasının ilk dövrəsinin son turunda Zaqatalada yerli “Simurq”la görüşdə (2:2) sabiq FİFA hakimi Zöhrab Qədiyevin idarəçiliyindən ciddi narazı qalan Lənkəran komandasının rəsmiləri məsələyə son qoymaq fikrindədirlər.

Klubun vitse-prezident Araz Nəsirov bildirib ki, assosiasiya başçısına şikayət etməklə yanaşı, mətbuat konfransının da keçirilməsi planlaşdırılıb. Nəsirov cari mövsümdən çempionat və ölkə kubokunun keçirilməsinə cavabdehlik daşıyan Peşəkar Futbol Liqasını qeyri-obyektivlikdə ittiham edib: “Bu qurum haqlı olduğumuzu qəbul etməlidir. Peşəkar Futbol Liqası futbolumuzun imicinə ciddi zərbə vura biləcək qərar çıxarıb. Düzü, bu dərəcədə ədalətsiz qərarla üzləşəcəyimizi heç gözləmirdik. İndi ədaləti bərpa etmək üçün AFFA prezidenti Rövnəq Abdullayevə bel bağlayırıq. İnanırıq ki, Abdullayev hüququmuzun pozulmasına imkan verməyəcək”.

• “Nyukasl”da yeni müqavilə
• “Napoli”dən Kvaratsxeliya qərarı
• "Qarabağ" - "Ayaks" matçından öncə konsert təşkil olunacaq
• Bonuççi yenidən İtaliya millisində
• "Atletiko"da ciddi itki baş verib