Türkiyə yığmasının və “Fənərbaxça” klubunun yarımmüdafiəçisi Əmrə Bələzoğlunun başı qalmaqaldan açılmır. Apasport.az saytının məlumatına görə, 28 yaşlı futbolçu bu dəfə azarkeşlə yumruq davasına çıxıb.

Hadisə Dənizli şəhərinin hava limanında baş verib. Bu gün superliqanın XIV turunun açılış matçında “Dənizlispor” klubunun qonağı olan “Fənərbaxça”nı 30-a yaxın azarkeş qarşılayıb. Bu zaman “Qalatasaray”lı olduğu iddia olunan bir fanat Əmrəni təhqir edib. Onun “Fənərbaxça”ya yaraşmırsan. Şərəfsiz, xaraktersiz, rədd ol get” sözləri Bələzoğlunu özündən çıxarıb. Azarkeşin üzərinə hücum çəkən futbolçu yumruqlarını da işə salıb. Bunda ona komandanın qapıçısı Volkan Dəmirəl də yardımçı olub. Xoşagəlməz hadisə polisin müdaxiləsi ilə aradan qaldırılıb.

Qeyd edək ki, “Fənərbaxça”nın rəsmi internet saytında da, Bələzoğlunu təhqir edən şəxsin komandanın azarkeşi olmadığı haqda xəbər yerləşdirilib.

• Eren Elmalı mərc oynadığını etiraf edib: “Beş il əvvəl…”
• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM
• “Real”ın heyətində daha bir İTKİ
• Necip Uysal: “Ömrüm boyu mərc oyunları ilə əlaqəm olmayıb”
• Türkiyədə mərc qalmaqalı: Aralarında “Qalatasaray” və “Beşiktaş”ın futbolçuları da var