Ötən il həm Avropanın, həm də dünyanın ən yaxşı futbolçusu seçilən Kaka “Milan” klubunda mövqeyindən narazıdır. Apasport.az saytının məlumatına görə, 26 yaşlı yarımmüdafiəçi komandanın hazırkı taktiki sxemində özünü narahat hiss edir. Vəziyyətin belə vəziyyətə gəlib çıxmasına səbəbkar isə Ronaldinyodur. Belə ki, Kakanın Braziliya yığmasında da komanda yoldaşı olan məşhur həmyerlisi bu yay “Milan”a keçəndən sonra mövqeyi dəyişilib: “İndi hücumçulardan çox arxada, digər yarımmüdafiəçilərə yaxın oynayıram. Bu, əsl mövqeyim olmadığı üçün özümü rahat hiss etmirəm. Mən hücumçuların arxasında, oyun qurucusu kimi çıxış etməyə öyrəşmişəm. Ronaldinyo indi bu mövqedə kifayət qədər yaxşı oynayır. Ancaq Klarens Zeedorfla birgə elə Ronaldinyosuz da işin öhdəsindən əla gəlirdik”.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı