Sabah Çempionlar Liqasında qrup mərhələsinin son turu start götürəcək. Apasport.az saytının məlumatına görə, öncə A, B, C və D qruplarında mübarizə yekunlaşacaq. Hazırda ən gərgin vəziyyət A qrupunda hökm sürür.

Məsələ burasındadır ki, bu qrupda 1/8 finalda iştiraka imkan verən 2 vəsiqəyə 3 namizəd var. Hətta ötən mövsümün finalçısı “Çelsi” Çempionlar Liqası ilə vidalaşa bilər. Digər qruplarda isə vəziyyət nisbətən sakitdir. “İnter”, “Atletiko”, “Liverpul”, “Barselona” və “Sportinq” növbəti mərhələyə adlayıblar.

Yalnız B qrupunda 2-ci vəsiqənin sahibi məlum deyil ki, bu da “Panatinaikos” – “Anortosis” görüşündə bilinəcək. Yunanıstan və Kipr komandalarının “duel”inin yenə prinsipial keçəcəyi şübhə doğurmur. Həm də nəzərə almaq lazımdır ki, ilk matçda 1:3 hesabı ilə uduzmuş “Panatinaikos” bu dəfə revanş çıxmağa çalışacaq.

A qrupu
“Çelsi” - ÇFR
“Roma” - “Bordo”

B qrupu
“Verder” - “İnter”
“Panatinaikos” - “Anortosis”

C qrupu
“Barselona” - “Şaxtyor”
“Bazel” - “Sportinq”

D qrupu
PSV - “Liverpul”
“Marsel” - “Atletiko”

Bütün oyunlar Bakı vaxtı ilə saat 23:45-də başlanacaq.

• 41 yaşında yeni müqavilə – Modriç “Milan”da qalır
• Nuri Şahindən "Fənərbaxça"ya dəstək – Qirassi üçün hərəkətə keçir
• İstanbul ağrısı, Afina zəfəri – “Milan”dan xüsusi forma - FOTO
• "Sabah" və "Fənərbaxça"nın matçları bu kanallarda: TV AFİŞA
• Frankovskidən "Qalatasaray" etirafı: "Həmin futbolçuları televizorda izləyirdim"