Bolqarıstanın 21 yaşlılardan ibarət milli komandasının sabiq futbolçusu Georgi Andonov “Bakı”ya keçə bilər. Apasport.az saytının məlumatına görə, 2006-cı ildən Varnanın “Çerno More” klubunda çıxış edən 25 yaşlı yarımmüdafiəçi bakılıların maraq dairəsindədir. Andonovu transfer etmək üçün klub axtaran Bolqarıstan təmsilçisinin “Bakı” ilə anlaşacağı real görünür. Karyerasını “Botev”in uşaq komandasında başlayan Georgi peşəkar karyerasına da burada başlayıb. Doğma komandada 103 matça 12 top vuran Andonov iki il yarım əvvəl Varna təmsilçisinə keçib. 2003-2005-ci illərdə Bolqarıstanın 21 yaşlılardan ibarət milli komandasına cəlb olunan sol cinah yarımmüdafiəçisi “Çerno More”də 37 qarşılaşmada 1 qol vurub.

• Fransa klubunun baş məşqçisi bəlli oldu
• Messi ayın oyunçusu seçildi
• “Nyukasl”da yeni müqavilə
• “Napoli”dən Kvaratsxeliya qərarı
• "Qarabağ" - "Ayaks" matçından öncə konsert təşkil olunacaq