Kiyevin “Dinamo” klubunda çıxış edən soydaşımız Aleksandr Əliyev özünü biabır edib. Apasport.az saytının məlumatına görə, Çempionlar Liqasında Londonda “Arsenal”la görüşdə (0:1) meydandan qovulduğu üçün lüksemburqlu FİFA hakimi Alan Hameri müsahibəsində keçi adlandıran futbolçu sonradan özünə bəraət qazanmaq üçün orijinal yol tapıb.

Müsahibə verdiyi qəzetin redaksiyasına zəng edən Əliyev qalmaqalı ört-basdır etmək üçün əvvəlcə hakimin ünvanına dedikləri sözlərə görə üzr istəyib. Ancaq Aleksandr sonradan söylədiyi fikirlərlə yenidən hər şeyi qarışdırıb: “Əslində, mən bütün bunları özüm haqda deyirdim”. İndi jurnalistlər çaş-baş qalıblar. Görəsən, əslində keçi kimdir: hakim, yoxsa futbolçu?

• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb
• Bundesliqa klubunun kapitanı Türkiyə millisində çıxış edəcək
• "Fənərbaxça"nın əfsanə futbolçusu klubdan ayrıldı