Azərbaycan futbolunun veteranları uşaqlarla görüş keçirib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, bu gün Olimpiya Ehtiyatları İdman Tədris Mərkəzində olan veteran futbolçular 1995-1996-cı il təvəllüdlü uşaqlar üçün açıq dərs keçiblər. Tədbir AFFA ilə Bakı Şəhər Gənclər və İdman Baş İdarəsi tərəfindən ölkə prezidenti İlham Əliyevin imzaladığı “Azərbaycan Respublikasında 2005-2015-ci illərdə futbolun inkişafına dair Dövlət Proqramı”nın müvafiq müddəalarının yerinə yetirilməsi məqsədilə təşkil olunub. Bakı Şəhər Gənclər və İdman Baş İdarəsinin rəisi Raqif Abbasovun və AFFA-nın baş katibinin müavini Elxan Əsədovun iştirak etdiyi tədbirdə veteran futbolçular Maşallah Əhmədov, İsgəndər Cavadov və Mübariz Zeynalov uşaqlara topla davranmaqla bağlı müxtəlif fəndlər nümayiş etdiriblər.

• Fransa klubunun baş məşqçisi bəlli oldu
• Messi ayın oyunçusu seçildi
• “Nyukasl”da yeni müqavilə
• “Napoli”dən Kvaratsxeliya qərarı
• "Qarabağ" - "Ayaks" matçından öncə konsert təşkil olunacaq