“Beşiktaş” klubunun keçmiş rəsmisi İhsan Kalkavan avtomobil qəzasına düşüb. Apasport.az saytının məlumatına görə, tanınan iş adamının idarə etdiyi avtomobil Bodrumda yol kənarındakı ağaca dəyib. Yaralanan Kalkavan telefon vasitəsilə dostlarından – Türkiyə Futbol Federasiyasının sabiq prezidenti Kamal Ulusu, Ayhan Bermek və Sərdar Karcıoğludan yardım istəyib. Onların köməyilə xəstəxanaya yerləşdirilən iş adamının burnu qırılıb.
Kalkavana “Xəzər-Lənkəran” klubunun fəxri prezidenti Mübariz Mənsimov da öz köməyini göstərib. “Palmalı” Şirkətlər Qrupunun sahibi olan Mənsimov Kalkavanı şəxsi təyyarəsi ilə İstanbula gətirib və səbəbkar oradakı xəstəxanada müalicə olunur.