Pekin Yay Olimpiya Oyunlarının qalibi Useyn Bolt 2008-ci ilin ən yaxşı idmançısı seçilib. Apasport.az saytının məlumatına görə, 100 və 200 m məsafələrdə dünya rekordu müəyyənləşdirən yamaykalı atlet Fransanın “Ekip” qəzetinin sorğusunda qalib gəlib.

Pekində 8 qızıl medal qazanan amerikalı üzgüçü Maykl Felps ikinci yeri tutub. Tennisçilərin reytinq cədvəlinə başçılıq edən ispaniyalı Rafael Nadal üçüncülüklə kifayətlənib.

Xatırladaq ki, Bolt Beynəlxalq Atletika Federasiyaları Assosiasiyası tərəfindən də “ilin atleti” seçilib.