Ötənlərin məşhur braziliyalı futbolçusu Pele Hindistanda cizgi filminin baş qəhrəmanı olacaq. Apasport.az saytının məlumatına görə, üçqat dünya çempionunun obrazının istifadə hüquqlarına sahib olan Braziliya şirkəti də bunu təsdiqləyib. Multfilmi çəkən şirkət Pelenin obrazının kompüter oyunlarında və suvenirlərin istifadə olunması zamanı hüququnu da əldə edib. Şirkətin rəhbəri Sureş Kumarın sözlərinə görə, multfilmin ssenarisi haqda danışmaq hələ tezdir.

Qeyd edək ki, karyerası boyu 1000-dən çox qol vuran Pele indiyədək bədii filmdə çəkilib. Hücumçu 1981-ci ildə çəkilən “Qələbəyə doğru qaçış” filmində baş rolun ifaçılarından biri olub.