Azərbaycan milli komandasının baş məşqçisi Berti Foqts Rusiya yığmasından olan həmkarı Qus Hiddinklə eyni işi görür. Apasport.az saytının məlumatına görə, rusiyalı jurnalistlər alman və holland mütəxəssislərin inkişafa eyni yolla nail olmaq arzusunda olduqlarını düşünür. Həmkarlarımızın fikrincə, Hiddinkdən fərqli, Foqtsun nəyəsə nail olması daha çətindir. Çünki almaniyalı çalışdırıcı fərqli mühitə düşüb: “Hiddink Rusiyaya gələn kimi ölkə futbolunda inqilab etməyə çalışdı. Bütün futbol sisteminin dəyişdirilməsini zəruri sayan mütəxəssis yığma komandalarla bağlı məsələlərə də fərqli yanaşmanı təbliğ etdi. Elə Foqts da Azərbaycanda işə bununla başlamaq istəyir. Lakin ona qulaq asan da yoxdur. Rusiyadakının əksinə, xalq onu başa düşmür ki, niyə nəticələr pisdir. Rusiya və Azərbaycan arasındakı fərq, təkcə səviyyələrin müqayisəsində deyil. Bu həm də futbol ictimaiyyətinin mütəxəssisin islahatlarına münasibətində öz əks olunur”.