Bolqarıstan çempionatında çıxış edən futbolçu Azərbaycan klublarında oynamaq istəmir. Apasport.az saytının məlumatına görə, “Çerno More”nin kapitanı Aleksandr Aleksandrovun Bakının “İnter” klubuna keçidi baş tutmayacaq. Bolqarıstan mətbuatı 22 yaşlı perspektivli müdafiəçinin Azərbaycan çempionun maraq dairəsində olduğunu iddia etsə də, Varna təmsilçisi futbolçu ilə yollarını ayırmayacağını bəyan edib. Vətənində “Aleks” ləqəbi ilə tanınan müdafiəçinin özü isə karyerasını bitirənədək “Çerno More”də oynamaq istədiyini açıqlayıb.