Martın 28-də dünya çempionatının seçmə qrup mərhələsi çərçivəsində səfərdə Rusiya ilə qarşılaşacaq Azərbaycan yığmasının Moskvada məskunlaşması üçün otel axtarışları aparılıb. AFFA-nın baş katibi Elxan Məmmədovun apasport.az saytına verdiyi məlumata görə, bu məqsədlə yığmanın inzibatçısı İslam Abbasov Rusiya paytaxtında ezamiyyətdə olub.

Milli komandamızın inzibatçısı Moskvada 3 oteli bəyənib. AFFA rəhbərliyi bu otellər arasından birini seçərək, fevralın 10-dək Rusiya Futbol İttifaqına yekun cavab göndərməlidir.

Elxan Məmmədov qeyd edib ki, yığmamız Moskvaya martın 26-da yollanacaq. Futbolçularımız oyunqabağı son məşqə martın 27-də, qarşılaşmanın keçiriləcəyi “Lujniki” stadionunda çıxacaqlar.

• Karyerasını başa vuran qapıçı "Barselona" yolunda
• Zidanın oğlu karyerasını bitirib
• “Real” “Barselona” ilə xal fərqini 1-ə endirib
• Ançelotti “300”ə çatdı
• “Mançester Siti” axtarışlara başladı