“Hazırda “Srvena Zvezda”nın düşərgəsindəyəm. Gündə iki dəfə olmaqla, məşqlərdə iştirak edirəm. Ancaq bu komandadan getməklə bağlı fikrimi dəyişməmişəm”. Bunu apasport.az saytına açıqlamasında Azərbaycan yığmasının hücumçusu Branimir Subaşiç deyib.

“Srvena Zvezda” buraxmadığı üçün milli komandamızın Birləşmiş Ərəb Əmirliklərinin Dubay şəhərinə təlim-məşq toplanışına yollana bilməyən 27 yaşlı hücumçu klubunda hazırlığı davam etdirir. Subaşiç qarşıdakı günlərdə xoş xəbər gözləyir: “İki günə taleyimə aydınlıq gəlməlidir. Adını açıqlamaq istəmədiyim komandadan cavab gözləyirəm. Avropada “transfer pəncərəsi” yanvarın 31-də bağlanır. Həmin vaxta kimi məsələmi həll etməliyəm”.

• La Liqa klubu baş məşqçisi ilə müqavilə yeniləyib
• 16 yaşlı futbolçu "Mançester Siti"də debüt edib
• Varandan gözlənilməz qərar - Dünya futbolu təəccüb içində
• AÇ-2025 Moldovada keçiriləcək
• "Real" üçün şok: Mbappe zədələnib