2010-cu il dünya çempionatının seçmə mərhələsi çərçivəsində iyunun 6-da Tofiq Bəhramov adına Respublika stadionunda keçiriləcək Azərbaycan – Uels oyununa biletlərin daha bir satış mərkəzi fəaliyyətə başlayıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, artıq azarkeşlər şənbə günü saat 20:00-da başlayacaq rəsmi görüşə biletləri “Nərgiz” Ticarət Mərkəzindən də ala bilərlər. Mərkəzin giriş hissəsində biletlərin satışı ilə bağlı xüsusi yer ayrılıb. Milli komandamızın iyunun 9-da həmin arenada son Avropa çempionu olan İspaniya yığması ilə yoldaşlıq görüşünə də biletlər “Nərgiz” Ticarət Mərkəzində satılacaq.

• Vinisiusdan het-trik, “Real”dan qələbə
• A Seriyasında ayrılıq
• “Qalatasaray”ın futbolçusu Premyer Liqa yolunda
• "Bavariya" heyətini 18 yaşlı futbolçu ilə gücləndirəcək
• "Bayer" mərakeşli futbolçusu ilə müqavilə yenilədi