Azərbaycan yığmasının futbolçusu Cavid Hüseynov həqiqi hərbi xidmətə çağırılıb. Apasport.az saytının xəbərinə görə, hazırda Bakının “İnter” komandasının şərəfini qoruyan 21 yaşlı yarımmüdafiəçi bildirib ki, Salyanda qulluq edəcək: “Əslində, hərbi xidmətə çoxdan getməli idim. Milli komandanın oyunları ilə əlaqədar mənə möhlət vermişdilər. Artıq yığmanın oyunları başa çatdığından əsgərliyə yollanmalıyam. Oktyabrın 23-də Salyanda olmalıyam”.

Hüseynov əsgərlik dövründə futbol oynamağının ondan asılı olmadığını bildirib: “Bu məndən asılı deyil. Əgər AFFA kömək etsə, bu mümkün olar. Əks halda, hərbi xidmətimi sıravi əsgər kimi çəkəcəyəm”.

Mənbə: “Çempion” qəzeti