İspaniya kuboku uğrunda yarışda növbəti matçın nəticəsi Madrid “Real”ının azarkeşlərini şoka salıb. Apasport.az saytının məlumatına görə, “Kral klubu” 1/16 final mərhələsinin ilk oyunu çərçivəsində səfərdə üçüncü divizion təmsilçisi “Alkorkon”a 0:4 hesabı ilə uduzub. Bu görüşdə baş məşqçi Manuel Pelleqrini əsas heyət üzvlərinin çoxuna istirahət verib. Kriştianu Ronaldonun yoxluğunda Raul və Kərim Benzema ön xətdə heç nə ilə yadda qalmayıblar.

“Alkorkon” hesabı 16-cı dəqiqədə Borxanın qolu sayəsində açıb. Bundan 6 dəqiqə sonra Arbeloa avtoqola imza atıb. Fasiləyə 5 dəqiqə qalmış hesab “Real” üçün biabırçı həddə çatıb - 0:3. Ernestonun qolunun ardından Borxa 52-ci dəqiqədə oyunda son nöqtəni qoyub.

• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu
• "Bayer" Xabi ilə vidalaşdı - Rəsmi
• Türkiyə - İspaniya matçının keçiriləcəyi stadion açıqlanıb