Azərbaycan milli komandasının qapıçısı Kamran Ağayev bir müddət yaşıl meydandan kənarda qalacaq. Apasport.az saytının məlumatına görə, 24 yaşlı qapıçı Lüksemburqla səfərdə keçirilən yoldaşlıq görüşünün 21-ci dəqiqəsində zədələndiyi üçün Fərhad Vəliyevlə əvəzlənməli oldu. Kamran AFFA-nın rəsmi saytına açıqlamasında zədəsi ilə bağlı bunları deyib: “Ağır zədə aldığımdan oyunu davam etdirə bilmədim. Zədəmin dərəcəsi isə tibbi müayinədən sonra bilinəcək”.

Qeyd edək ki, Kamranın kapitanı olduğu “Xəzər-Lənkəran”a Azərbaycan kubokunun ¼ final mərhələsində “Qarabağ”la görüşlərdə, habelə “altılığ”ın ilk oyunlarında kömək edə bilməyəcəyi gözlənilir. Onu təcrübəli Dmitri Kramarenko əvəzləyəcək.

• İkardi qışda "Qalataray"dan ayrıla bilər
• Murad Musayev ayın ən yaxşısı seçilib
• Silahlı hücumdan sonra Serhat Akından radikal qərar
• Dibala "Qalatasaray"ın maraq dairəsində
• "Atletiko"da yeni müqavilə