Qadınlardan ibarət Azərbaycan milli komandasının İsveç yığması ilə keçirəcəyi oyunun vaxtı və yeri dəqiqləşib. Apasport.az saytının məlumatına görə, dünya çempionatının seçmə mərhələsinin iyunun 23-də baş tutacağı görüş Höteborq şəhərində oynanılacaq.

Qarşılaşma 3 il əvvəl inşa olunan “Gamla Ullevi” arenasında baş tutacaq. 19 min tamaşaçı tutumuna malik stadionun 15 min oturacağı var. Daha 4 min azarkeşin isə ayaq üstə izləməsi nəzərdə tutulub. “Höteborq”, HAİS və “Erqryute” klubları ev matçlarını bu arenada keçirir. Stadionun meydanının ölçüləri 105x68 metrdir. Bu görüş saat 21:30-da başlayacaq.

Qeyd edək ki, Höteborqun ən məşhur arenası 43200 tamaşaçı tutumuna malik “Nya Ullevi” stadionudur.

• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib