“Rəhbərliyin bizə olan ümidini boşa çıxara bilməzdik. Yalnız qələbə barədə düşünürdük. Bu oyunda rəhbərlik tərəfindən bizə həm maddi, həm də mənəvi cəhətdən güclü dəstək vardı”. Bu sözləri apasport.az saytına açıqlamasında “Bakı” klubunun futbolçusu Cəmşid Məhərrəmov deyib.

Ölkə kubokunun yarımfinal mərhələsinin cavab qarşılaşmasından sonra fikirlərini bildirən gənc müdafiəçi klub prezidenti Hafiz Məmmədov üçün mübarizə apardıqlarını qeyd edib: “Biz mükafat üçün yox, klub prezidenti Hafiz müəllim üçün çıxıb oynadıq. Onun bizə necə şərait yaratdığını bütün Azərbaycan bilir. Sevinirik ki, onun bizə yaratdığı şəraitin qarşısında heç olmasa, finala çıxdıq az da olsa sevindirə bildik”.

Məhərrəmov komandasının ardıcıl ikinci dəfə ölkə çempionu olacağına olan inamından danışıb: “Bakı” üçün çempionluq bitməyib. Azərbaycanda ardıcıl iki dəfə çempion olan komanda yoxdur. Əsas məqsədimiz ardıcıl ikinci dəfə çempion olmaqdır”.

• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA