“Xəzər-Lənkəran” – “Bakı” kubok oyununun vaxtı dəyişdirildi

06.05.2010 - 09:29

Azərbaycan kubokunun final oyununun tarixi dəyişdirilib. Apasport.az-ın Peşəkar Futbol Liqasının rəsmi internet saytına istinadən məlumatına görə, “Xəzər-Lənkəran” – “Bakı” matçı mayın 23-də keçiriləcək. Əvvəlcədən qarşılaşmanın bir gün əvvəl baş tutması planlaşdırılmışdı. Lakin təşkilatı məsələlərlə bağlı olaraq görüş 22-də deyil, 23-də baş tutacaq.

Qeyd edək ki, “Xəzər-Lənkəran”la “Bakı” Unibank Premyer Liqasının son turunun mayın 15-də keçiriləcək oyununda da bir-biri ilə görüşəcək.