“Xəzər-Lənkəran” uduzdu, “Standard” da I diviziona düşdü

09.05.2010 - 18:06

Unibank Premyer Liqasında XXXI tura yekun vurulub. Apasport.az saytının xəbərinə görə, hesabat turu turnir cədvəlində dəyişikliyə səbəb olmaqla yanaşı, I diviziona düşən ikinci komandanı müəyyənləşdirib.

İlk “altılıq”da, ümumiyyətlə günün ən maraqlı qarşılaşması Ağdamda baş tutub. Lider “Xəzər-Lənkəran”ı çətinliklə məğlub edən “Qarabağ” ikinci pilləyə şərik çıxıb. 3 xal itirməsinə baxmayaraq, cənub təmsilçisi zirvədəki yerini qoruyub. Buna səbəb lənkəranlıların ən yaxın izləyiciləri “İnter”lə “Bakı” arasındakı oyunun heç-heçə bitməsidir.

Günün ən qollu matçı Sumqayıtda oynanılıb. Hələ ötən tur I diviziona düşməsi rəsmilən “Karvan” “Standard”la matçda qapısından 6 cavabsız top buraxıb. Böyük hesablı qələbə isə Sumqayıt təmsilçisinin Premyer Liqada qalması üçün yetərli olmayıb.

Belə ki, “Turan” və “Muğan” öz meydanında müvafiq olaraq, 1 və 3 xal qazanıblar. Belədə Salyan təmsilçisinin 27, tovuzluların isə 26 xalı olub. Sona 1 tur qaldığından 22 xalı olan “Standard”ın “Turan” və “Muğan”a çatmaq şansı qalmayıb.

9 may

"Qəbələ" - "Neftçi" - 0:0
Qəbələ. Şəhər stadionunun süni örtüklü meydançası
Cari çempionatdakı oyunlar – 1:0, 1:1, 2:1

"Bakı" - "İnter" - 0:0
Bakı. Tofiq Bəhramov adına Respublika stadionu
Cari çempionatdakı oyunlar – 0:1, 2:0, 1:1

"Qarabağ" - "Xəzər-Lənkəran" - 2:1
QOLLAR: Rəşad Sadıqov, 22; Rauf Əliyev, 32 - Mario Souza, 64
Ağdam. Quzanlı qəsəbə Olimpiya İdman Kompleksinin stadionu
Cari çempionatdakı oyunlar – 1:0, 0:0, 1:2

"Standard" - "Karvan" - 6:0
QOLLAR: Vitali Balamestnıy, 28; 31; Fərid Quliyev, 45; 52; 55; 87
Sumqayıt. Mehdi Hüseynzadə adına şəhər stadionu
Cari çempionatdakı oyunlar – 2:2, 1:0, 2:1

"Muğan" - "Simurq" - 3:1
QOLLAR: Miloş Zeçeviç, 30; Tural Axundov, 52; Amer Yuqo, 85 - Tural Cəlilov, 22
Salyan. Olimpiya İdman Kompleksinin stadionu
Cari çempionatdakı oyunlar - 0:0, 0:0, 0:1

"Turan" - "Olimpik-Şüvəlan" - 0:0
Tovuz. Şəhər stadionu
Cari çempionatdakı oyunlar - 0:0, 3:3, 1:4

I "altılıq"

	komandalar	o	q	h	m	t	x
1	"Xəzər-Lənkəran"	19	6	9	4	19-13	27
2	"İnter"	19	6	8	5	18-18	26
3	"Qarabağ"	19	6	8	5	16-18	26
4	"Bakı"	19	6	7	6	18-15	25
5	"Neftçi"	19	4	10	5	11-12	22
6	"Qəbələ"	19	4	8	7	17-23	20

II "altılıq"

	komandalar	o	q	h	v	t	x
1	"Olimpik-Şüvəlan"	19	9	6	4	25-15	33
2	"Simurq"	19	8	7	4	21-17	31
3	"Muğan"	19	7	6	6	17-14	27
4	"Turan"	19	6	8	5	23-21	26
5	"Standard"	19	6	4	9	22-23	22
6	"Karvan"	19	2	7	10	13-31	13